ЕОИИ МАМЛАКАТЛАРИДАН КЕЛГАН МИГРАНТЛАР УЧУН ҚОИДАЛАР

Агар сиз Россияга Евроосиё иқтисодий иттифоқи (ЕОИИ) иштирокчилари мамлакатларидан келган бўлсангиз, қуйидагиларни эсингизда тутишингиз лозим:

1. Агар сиз Россияда 30 кундан кўп бўлмаган вақт давомида бўлишни режалаштирган бўлсангиз, сизга миграцион рўйхатдан ўтишни расмийлаштириш зарур эмас. Лекин агар сиз ундан кўпроқ муддатга келган бўлсангиз – рўйхатдан ўтиш мажбурий.

 2. Россияда қонуний ишга жойлашиш учун сизга меҳнат патентини расмийлаштириш зарур эмас. Миграцион рўйхатдан ўтиш ва иш берувчи билан меҳнат шартномасини тузиш етарли. Меҳнат шартномасини тузиш учун чет эл фуқароси сифатида сизга паспорт, рўйхатдан ўтиш, индивидуал шахсий ҳисобварағининг суғурта рақами (ИШҲСР), солиқ тўловчининг идентификация рақами (СТИР) ва ихтиёрий тиббий суғурта (ИТС) полиси керак бўлади.

ИШҲСР (СНИЛС) – бу мажбурий пенсия суғуртаси тизимида фуқаронинг индивидуал шахсий ҳисобварағининг суғурта рақамидир.

СТИР (ИНН) – бу солиқ тўловчининг идентификация рақамидир.

ИТС (ДМС) полиси – бу ихтиёрий тиббий суғурта полисидир.

3. Агар сиз Россияда қонуний ишлаётган бўлсангиз, унда сизга касаллик варақаси ҳудди Россия фуқаролари учун тўлангандек каби тўланади. Бундан ташқари, агар сизда ИТС полиси расмийлаштирилган бўлса, бепул тиббий хизмат кўрсатиш ҳуқуқига эга бўласиз.

4. Россияда меҳнат қилувчи ва Россия Федерациясининг солиқ резидентлари ҳисобланган ЕОИИ фуқаролари учун жисмоний шахслардан олинадиган даромад солиғи 13 фоизни ташкил қилади, яъни у ҳудди Россия фуқаролари учун каби. ЕОИИ фуқароси агар Россия ҳудудида бир йил ичида камида 183 кун яшаётган бўлса у резидентга айланади. Бошқа ҳолларда солиқ 30 фоизни ташкил қилади.

Эслатиб ўтамиз, ЕОИИга қуйидаги 5 та давлат киради: Россия, Беларусь Республикаси, Арманистон, Қирғизистон ва Қозоғистон.