ТИББИЙ ТЕКШИРУВ

Мигрантда ОИТВнинг, хавфли юқумли касалликларнинг ва гиёҳвандликнинг йўқлиги тўғрисидаги тиббий маълумотномаларнинг амал қилиш муддати бир йилгача узайтирилди. Бундан ташқари, текширув ўтиш зарур бўлган юқумли касалликлар рўйхатидан коронавирус олиб ташланди.

Мигрантлар учун тиббий текширувдан ўтишнинг янги тартиби 2022 йил 1 мартда кучга киради.

Эслатиб ўтамиз, Россияга 90 кундан ортиқ муддатга келаётган хорижий фуқаролардан дактилоскопик рўйхатдан ўтиш, расмга тушиш ва тиббий текширувдан ўтишни талаб қилувчи миграция қонунчилигидаги ўзгаришлар 2021 йил 29 декабда кучга кирди. Мазкур қоидаларга асосан, Россияга ишлашга келган ҳар бир шахс, мазкур жараёнларни келиш кунидан бошлаб 30 кунда ўтиши лозим, бошқа мақсадларда узоқ муддатга келганлар эса – 90 кунда ўтишлари лозим.

Бунда, дактилоскопия ва расмга тушишдан бир марта ўтиш кифоя, тиббий текширувнинг муддати эса 3 ойни ташкил қилар эди. Энди уни бир йилгача чўзишди, бу эса белгиланган қоидаларни бажаришда мигрантлардан камроқ вақт сарфланишига олиб келади.

Манба: Ҳозирги Вақт https://www.currenttime.tv/a/russia-migrants-med/31716964.html