Дар Русия ба муҳоҷир кадом шаҳодатномаи ронандагӣ лозим аст?

Агар шумо мошинро барои мақсадҳои шахсӣ истифода баред, шаҳодатномае, ки шумо дар кишвари худ гирифтаед, кофӣ мебошанд Дар айни замон, муҳим нест, ки шумо бо мошини шахсии худ ба Русия омадаед ё онро аллакай дар Федератсияи Русия харидед. Агар шумо ба ҳайси ронандаи таксӣ, ронандаи нақлиёти ҷамъиятӣ, боркашон ва ғайра кор карданӣ бошед, яъне ба ҳамлу нақли тиҷоратӣ машғул шудан, бояд шаҳодатномаро ба шаҳодатномаи Русия иваз кунед. Дар Русия кор кардан бо шаҳодатномаи ронандагии хориҷӣ мамнӯъ аст. Истисно аз ин қоида шаҳодатномаҳои ронандагие мебошанд, ки дар Қирғизистон, Беларус ва Қазоқистон дода шудаанд. Агар шумо ҳуқуқи ягон давлати дигар дошта бошед, шумо бояд маҷмӯи хурди ҳуҷҷатҳоро пешниҳод намуда дар Инспексияи давлатии бехатарии ҳаракати роҳ имтиҳон супоред.

Ба шумо лозим аст:

• паспорт бо тарчимаи тасдикшуда ба забони русӣ

• шаҳодатномаи ронандагии шумо (дар ҳолати зарурӣ бо тарҷума)

• иҷозаи зист ё нишона дар бораи мавҷудияти иҷозаи зисти муваққатӣ (дар шиноснома гузошта мешавад)

• маълумотнома аз муассисаи тиббии Русия дар бораи бомуваффақият гузаштани муоинаи тиббӣ

• квитанция дар бораи супурдани бочи давлатӣ барои имтиҳонҳо (вобаста ба категорияи шаходатномаи ронандагӣ ва ҳудуд аз 2 то 5 хазор рубл).

Шаҳодатномаи пешинаи шумо ҳатто пас аз гирифтани шаҳодатномаи Россия дар худатон мемонанд. Шумо метавонед онҳоро ҳангоми баргаштан ба ватан истифода баред.
Дар ҳолате, ки шумо шаҳодатномаи ронандагӣ надоред ё шаҳодатномаи дар хона гирифташуда гум шудааст, шумо бояд дар мактаби ронандагӣ омӯзиш гузаронед ва пас аз он имтиҳони ҳуқуқи Русияро супоред.