Өзбекстандан Орусияга жумушка кабыл алуу 12 эсеге өстү

Жыл башынан бери 20 миңден ашуун өзбекстандыктар уюштурулган кабыл алуунун аркасында Россияда жумуш табышты.

Өзбекстандын жарандарын РФнын аймагында убактылуу жумушка тартуу жана уюштурулган кабыл алуу боюнча келишимге 2017-жылы эле кол коюлган. Бирок, Россия Федерациясында иштөө укугуна уруксат берүүчү документтерди тариздөөнүн бир катар жол-жоболору Өзбекстанга которулган пилоттук программа 2021-жылдын октябрында гана башталган. Бул жол - жоболорго болочок мигранттарды медициналык күбөлөндүрүү, ошондой эле Россияга кирүүгө тыюу салынгандыгын текшерүү кирет.

Негизинен Өзбекстандагы уюштурулган кабыл алуу аркылуу курулуш, айыл чарба жана өнөр жай тармагында иштеген орусиялык ири ишканалар жумушчуларды табышат.

Белгилей кетсек, азырынча Россияда иштөөнү каалаган өзбекстандыктардын аз гана бөлүгү уюштурулган кабыл алуу аркылуу келишет. Өзбекстандын Жумуш менен камсыз кылуу министрлигинин маалыматтарына караганда 2 млндан ашык өзбекстандыктар чет өлкөдө эмгектенип жүрүшөт, алардын 60% (болжол менен 1 млн 200 миң адам) РФда эмгектенишет.

Булак: Sputnik Өзбекстан