Миграциялык каттоого качан туруу керек?
Өзбекстан менен Тажикстандын жарандарына бул үчүн 15 календардык күн берилет.
Кыргызстандын жарандарына – 30 календардык күн берилет. Казакстан менен Армениянын жарандарына да 30 календардык күн берилет, бирок Беларустун жарандары Орусияда 3 ай (90 күн) каттоосуз жүрө алышат. Башка мамлекеттердин жарандарына бул маселени чечүүгө 7 жумушчу күн бөлүнөт. Каттоо жашаган жери боюнча, б.а. сиз иш жүзүндө жашап жаткан жайдын дареги боюнча жүргүзүлөт.
Отелге, жатаканага, мейманканага кирип, тааныштарыңыз менен калсаңыз, кабыл алган тарап бул тууралуу Ички иштер министрлигинин райондук бөлүмүнө билдирүүгө тийиш. ИИМде сизди миграциялык каттоого коюшат жана миграциялык каттоого коюу жөнүндө билдирүү бланкынын айрыма бөлүгүн колго беришет, бул алгачкы каттоо болуп эсептелет. Анын негизинде сиз Россияга келген күндөн тартып 90 күнгө чейин жүрө аласыз.
Каттоону ЕАЭБ өлкөлөрүнүн, анын ичинде Кыргызстандын жарандары үчүн жумуш аткаруунун (кызмат көрсөтүүнүн) эмгектик же жарандык – укуктук келишими болгондо же төлөнгөн патенти болгондо (калган өлкөлөрдүн жарандары үчүн) узартууга болот.
