РОССИЯДАН КЫРГЫЗСТАНГА АКЧАНЫ КАНТИП КОТОРСО БОЛОТ?

11-марттан тартып Visa жана Mastercard карталарынын жардамы менен Россиядан Кыргызстанга жана тескерисинче акча которуу мүмкүн болбой калгандыктан, “Мир” россиялык төлөм тутуму менен кыргызстандык “Элкарт” 2 жылдан бери эң сонун кызматташып келгендигин эсиңизге салабыз.

Бул “Мир” россиялык картасы колуңузда болуп сиз Кыргызстандагы туугандарыңыздын “Элкарт” карталарына дайым акча которо аласыз дегенди билдирет. Ошондой эле, “Элкарттан” “Мир” карталарына тескери акча которуулар жеткиликтүү. ⠀
⠀
“Элкарты” Кыргызстандын аймагындагы 15 коммерциялык банктар чыгарат, ал эми “Мир” картасын 158 россиялык банк чыгарат.
⠀
Акчаны онлайн которуу үчүн өз банкыңыздын мобилдик тиркемесин колдонсоңуз болот. Мисалга, Сбер “Мир” карталарынан “Элкарт” картасына тиркеме аркылуу акча которуу мүмкүнчүлүгүн жайында эле ишке ашырган.

Ошондой эле Кыргызстандын 20 банкы “Мир” карталарын тейлеп, алардан накталай акча чыгарууга же КРнын аймагындагы сатып алуулар үчүн накталай эмес төлөм жасоого жол берээрин эсиңизге салабыз.

⠀
Мындан тышкары, акча которуулардын эл аралык тутумдарынын операторлорунун жардамы аркылуу банктан эсеп ачпастан эле Россия менен Кыргызстан ортосунда акча которууга болот. Мындай 6 оператор Россия аймагындагыдай эле КРда да иш алып барышат. Бул БЭСТ, “Юнистрим”, “Вестерн Юнион”, “Золотая корона”, CONTACT жана Sendy. ⠀
⠀
Булагы: Sputnik Кыргызстан