Өзбекстандын, Тажикстандын жана Кыргызстандын жараны иштеши үчүн эмне керек?

1. Орусиянын чек арасынан өтүп жатканда миграциялык картага келгениңиздин максаты жумуш экенин көрсөтүңүз.

2. Жашаган жериңиз боюнча убактылуу каттоодон өтүп, миграциялык органдарга катталыңыз.

Кыргызстандын жарандары үчүн миграциялык каттоого туруу мөөнөтү 30 күн, Өзбекстан менен Тажикстандын жарандары үчүн 15 күн. Бул тууралуу кененирээк бул жерде жаздык

Эгерде сиз мейманканада же хостелде турсаңыз, администрация келгениңиз тууралуу маалыматты миграциялык кызматка (Ички иштер министрлигинин Миграция маселелери боюнча башкы башкармалыгына) берет, андыктан өзүңүзгө эч нерсе кылуунун кажети жок. Бирок Санкт-Петербургда ушундай учурда турак-жайдан тышкары, курорттук салыкты да (күнүнө 100 рублду) төлөө керек болот.

Алгачкы каттоо 90 күнгө берилет.

3. Эгер сиз Өзбекстандын же Тажикстандын жараны болсоңуз, мыйзамдуу ишке орношуу үчүн патент алышыңыз керек.

Бул үчүн сизге паспорт, “Жумуш” аттуу кирүү максатындагы миграциялык карта жана миграциялык каттоону ырастоочу документ керек болот.

Евразиялык экономикалык биримдикке кирген Кыргызстандын жарандары үчүн патенттин кереги жок жана дароо иш берүүчү менен эмгек келишимин түзүп, андан кийин 1 жылга чейин алгачкы каттоодон өтө алышат.

4. Эгерде сиз Өзбекстандын же Тажикстандын жараны болсоңуз, патент алгандан кийин иш берүүчү менен эмгек келишимин түзүңүз жана патент берилген күндөн тартып 2 айдын ичинде Ички иштер министрлигинин аймактык органына иштеп баштаганыңыз жөнүндө билдирүү жөнөтүңүз. Муну кантип жасоо керектиги жөнүндө биз бул жерде жазганбыз.

5. Патенттин жарактуу мөөнөтүн узартуу үчүн патентиңизди ай сайын төлөп турууну унутпаңыз. Же патентти бир нече айга бир төлөп коюңуз.

6. 3 айдан кийин алдын ала төлөнгөн патенттин жана эмгек келишиминин негизинде каттооңузду жаңыртыңыз.