Миграциялык картаны жоготуп алсаңыз, эмне кылуу керек?

Жооп белгилүү: калыбына келтирүү керек!

Миграциялык карта – бул өтө маанилүү документ, анткени ал сизге Россиянын чек араларынан мыйзамдуу түрдө өтүүгө, Россиянын аймагында болуп, ал жерде жашоого жана иштөөгө документтерди жол-жоболоштурууга укук берет.

Эгерде сиз аны жоготуп алсаңыз, дубликатын алууңуз керек. Ал үчүн 3 календардык күндүн ичинде сиз катталган жерден Миграция боюнча Россиянын ИИМ аймактык бөлүмүнө Россиянын аймагына киргениңиздин негизи болгон документтер жана миграциялык картанын дубликатын берүү жөнүндө арызыңыз менен кайрылышыңыз керек. Дубликат колдонуудагы мыйзамга ылайык мөөнөт жана тартиптин негизинде сизге акысыз берилет.

Эгерде сиз Россияда иштөөнү пландап жатсаңыз, чек арада миграциялык картаны толтурууда “кирүүнүн максаты” деген жерге –“Жумуш” деп сөзсүз көрсөтүшүңүз керек экендигин эскертебиз.