Россияда ўзбекистонлик ишчиларни жалб қилиш 12 баравар ошди

Йил бошидан буён 20 мингдан ортиқ оʻзбекистонлик Россияда ташкиллаштирилган ишга ёллаш туфайли иш топди.

Ўзбекистон фуқароларини Россия Федерацияси ҳудудига вақтинчалик ишлаш учун ташкиллаштирилган ёллаш ва жалб этиш тўғрисидаги шартнома 2017-йилда имзоланган эди. Бироқ, Россия Федерациясида ишлаш ҳуқуқига рухсат берувчи ҳужжатларни расмийлаштириш учун бир қатор тартиб-қоидаларни доирасида Ўзбекистонга ўтказилган тажриба дастури эндигина 2021-йил октябрь ойида бошланган. Бу тартиб-қоидалар орасида бўлажак муҳожирларни тиббий кўрикдан ўтказиш, шунингдек, Россияга кириш тақиқланганлигини текшириш киради. 

Россиянинг қурилиш, қишлоқ хўжалиги ва саноат соҳаларида фаолият юритаётган йирик корхоналари Ўзбекистонда асосан ташкиллаштирилган ишга ёллаш орқали ходимларни топишади.

Эслатиб ўтамиз, ҳозирча Россияда ишлаш истагида бўлган Ўзбекистон фуқароларининг кичик бир қисми ташкиллаштирилган ишга қабул қилиш орқали келади. Ўзбекистоннинг Бандлик вазирлиги маълумотларига кўра, 2 миллиондан ортиқ Ўзбекистон фуқароси давлатдан ташқарида меҳнат қилади, уларнинг 60 фоизи (тахминан 1 миллион 200 минг киши) Россия Федерациясида ишлайди. 

Манба: Sputnik Ўзбекистон