ЕАЭБдан КЕЛГЕН МИГРАНТТАР ҮЧҮН ЭРЕЖЕЛЕР

Эгерде сиз Россияга Евразия Экономикалык Биримдигине (ЕАЭБга) мүчө-өлкөлөрдөн келген болсоңуз, анда төмөнкүлөрдү эсте тутууңуз маанилүү:

1. Эгерде сиз Россияда 30 күндөн ашык эмес жүрүүнү пландаштырып жатсаңыз, анда миграциялык каттоого туруунун кажети жок. Бирок, эгерде сиз узак мөөнөткө келген болсоңуз, анда каттоодон өтүүңүз милдеттүү.

2. Россияда мыйзамдуу жумушка орношуу үчүн эмгек патентин тариздөө талап кылынбайт. Миграциялык каттоого туруп, жумуш берүүчү менен эмгек келишимин түзүү жетиштүү. Эмгек келишимин түзүү үчүн чет элдик жаран катары сизге паспорт, каттоо, ЖӨЭКН (СНИЛС), СИН (ИНН) жана ЫМК (ДМС) полиси керек.

ЖӨЭКН – милдеттүү пенсиялык камсыздандыруу системасындагы жарандын жеке өздүк эсебинин камсыздандыруучу номери.

СИН – салык төлөөчүнүн идентификациялык номери

ЫМК полиси – ыктыярдуу медициналык камсыздандыруу полиси.

3. Эгерде сиз Россияда мыйзамдуу түрдө иштесеңиз, анда больничный үчүн сизге Россиянын жарандарына төлөнгөндөй эле төлөнөт. Мындан тышкары, сизде ЫМК полисиңиз болсо, акысыз медициналык жардам алууга укуктуусуз.

4. Россияда иштеген жана РФ салык резиденттери болгон ЕАЭБнын жарандарына жеке жактардын кирешелери үчүн салык 13% түзөт, б.а. ал Россиянын жарандарына кандай болсо, ЕАЭБ жарандарына да ошондой эле. ЕАЭБнын жараны Россиянын аймагында бир жыл аралыгында 183 күндөн кем эмес жашаган учурда гана салык резиденти болот. Башка учурларда салык 30% түзөт.

Эске сала кетсек, ЕАЭБга төмөндөгү 5 өлкө кирет: Россия, Беларусь Республикасы, Армения, Кыргызстан жана Казакстан.