Россияга кирүү боюнча жаңы эрежелер.

2024-жылдын 1-декабрынан тартып Россияга келген чет элдик жарандар биометрикалык маалыматтарын тапшырууга милдеттүү болушат. Бул иш-чаралардан төмөнкү жерлерде өтүүгө болот:

Аэропорттордо: Шереметьево, Домодедово, Внуково, Жуковский

Маштаково унаа өткөрмө пунктунда

2025-жылдын 30-июнунан тартып бардык чет элдик жарандар үчүн санариптик профиль түзүлөт. Бул профилде ар бир адам тууралуу маалыматтар, анын ичинде биометрия сакталат.

Чет элдик жарандар өз профилин RuID уюлдук тиркемеси аркылуу өз алдынча түзө алышат. Бул тиркеме Мамкызматтар (Госуслуги) сыяктуу эле, бирок чет элдик жарандарга арналган. 

Ал аркылуу төмөнкү кызматтарды пайдаланууга болот:

• Россияга келүү тууралуу билдирүү жөнөтүү.
• Ар кандай кызматтарды алуу, мисалы, медициналык камсыздандыруу тариздөө же ИИМге катталуу. 
• Андан тышкары, жеке маалыматтарды башкаруу.