АЛДАМЧЫЛАРДЫН ТОРУНА ТҮШҮП КАЛБАҢЫЗДАР!
Жеке маалыматтар алдамчылардын колуна түшсө акчаңызга толук жеткилиги болот. Ошол себептен аларды жашыруун кармаш керек. Көпчүлүгүбүздүн эң маанилүү маалыматтарыбыз смартфондо сакталат эмеспи, эгер жакшы көргөн девайсыбыз жоголуп калса, кантип маалыматты сактап калууну эскерте кетебиз. Анын үчүн үч жөнөкөй кадамды алдын ала жасоо керек:
1. Экрандын автоматтык түрдөгү блокировкасын күйгүзүңүз.
Сыр сөз, манжа изин же Face IDни колдонуңуз– бардык үч вариант тең абдан ишенимдүү.
2. Түзмөктүн жайын аралыктан көзөмөлдөөгө мүмкүнчүлүк берген программаны орнотуп алыңыз.
Жоголгон же уурдалган гаджетиңиз учурда кайда экенин көрө аласыз, ага кошуласыз, атүгүл аралыктан андагы бардык маалыматтарды өчүрө аласыз. Аndroid негизиндеги түзмөктөрдө Google Find My Device телефонду издөө функциясы бар, Samsung девайстарында - окшош опция Samsung Find My Mobile, iOS платформасында ушул эле опция Find My iPhone аталышында. Смартфондун жөндөөлөрүндөгү бул функцияны алдын ала активдештириңиз.
3. Резеврдик көчүрмөлөрдү түзүңүз
Маалыматтарыңызды регулярдуу түрдө көчүрүп алып туруңуз. Бул сиздин түзмөгүңүздүн жөндөөлөрүнүн конфигурациясын, бардык тиркемелерди жана башка маалыматтарды сактоого мүмкүндүк берет. Ошентип смартфон жоголгон учурда маалыматтарды калыбына келтириш оңойраак болот.
