Миграциялык картаны жоготкон учурда эмне кылуу керек?

15.07.2024

Миграциялык карта - Орусиядагы чет өлкөлүк жаран үчүн эң маанилүү документтердин бири.

Ансыз болуу мөөнөтүн жана миграциялык каттоону узартуу мүмкүн эмес, эгер сиз Россия Федерациясында патент боюнча иштесеңиз, анда патентти миграциялык картасыз кайра каттоо да мүмкүн эмес.

Ошондуктан, эгер сиз миграциялык картаңызды жоготуп алсаңыз, анда:

1. Жоголгондугу тууралуу арызды түзүү үчүн дароо полиция бөлүмүнө кайрылыңыз. Сизге миграциялык картаңыздын жоголгондугу тууралуу маалымкат берилет.
2. Бул маалымкат менен сиз Россияда катталган дарек боюнча Ички иштер министрлигинин миграция маселелери боюнча аймактык органына кайрылышыӊыз керек.

Жаныңызда төмөнкү документтер болушу керек:

• паспорт
• миграциялык эсепке алуу жөнүндө билдирүүнүн үзүндү бөлүгү
• патент жана аванс төлөмдөрүнүн баардык ырастоолору
• эмгек келишими же ГПХ келишими
• актилоскопиялык карта
• миграциялык картанын жоголгондугу тууралуу маалымкат.

Бул документтердин түп нускаларынан тышкары, алардын көчүрмөлөрүн жаныӊызга алыӊыз.

Ички иштер министрлигинин миграция маселелери боюнча аймактык органында сиздин документтериңиз текшерилип, миграциялык картаңыздын дубликаты качан даяр болоорун айтышат. Адатта, 2 жума.

Миграциялык картанын дубликаты анын түп нускасындай эле юридикалык күчкө ээ.